影片
更多
2006-02-28
16 瀏覽
失驚無神得閒既晚上，係九龍城尤其搵間茶餐廳醫肚，就近舊機場又未食過呢間野，一心諗住試下，係九龍城唔好食都唔會生存到咁耐，應該冇死卦！點知，一入到去，裝潢陳舊，環境衛生欠佳，聽聞呢個仲要已經係新既裝修，唔係卦？牆身黑麻麻，燈光黃黃，仲夾雜陣陣怪味，有d想走，不過又諗唔到去邊到食，唯有坐低。餐牌上既野十樣有八樣冇，我叫左同一樣野食幾次，個待應阿叔先知我講咩?? 哥哥..我講純正廣東話架~ 餐具放係檯下既抽屜，一打開..嘩..好驚呀..D餐具就係放係D黃黃黑黑既紙上面..見到都唔開胃啦.. 仲點敢用呀？我order左醬爆沙爹貢丸波菜麵，轉頭阿叔又行過黎話得番一個(因為我同男朋友叫埋同一樣野)，男朋友見到以前咁多野..都冇咩胃口啦..咪話咁要一個啦~ 點知等左好耐好耐..起碼都有十幾廿分鐘..試問一個唔夠15人既餐廳.. 駛唔駛整野整咁耐..仲要只係一碗麵！見阿叔冇out番一碗麵既錢出黎..我就叫另外一個阿嬸級waitress過黎..諗住叫佢改番.. 點知佢就話“你搵番頭先個個啦”.. 激死！後來阿嬸見我黑晒面，死死地幫我叫阿叔改單，點知聽到阿叔遠遠咁話“佢叫波菜麵我都冇加佢錢，減咩呀？”老細
點知，一入到去，裝潢陳舊，環境衛生欠佳，聽聞呢個仲要已經係新既裝修，唔係卦？牆身黑麻麻，燈光黃黃，仲夾雜陣陣怪味，有d想走，不過又諗唔到去邊到食，唯有坐低。
餐牌上既野十樣有八樣冇，我叫左同一樣野食幾次，個待應阿叔先知我講咩?? 哥哥..我講純正廣東話架~ 餐具放係檯下既抽屜，一打開..嘩..好驚呀..D餐具就係放係D黃黃黑黑既紙上面..見到都唔開胃啦.. 仲點敢用呀？
我order左醬爆沙爹貢丸波菜麵，轉頭阿叔又行過黎話得番一個(因為我同男朋友叫埋同一樣野)，男朋友見到以前咁多野..都冇咩胃口啦..咪話咁要一個啦~ 點知等左好耐好耐..起碼都有十幾廿分鐘..試問一個唔夠15人既餐廳.. 駛唔駛整野整咁耐..仲要只係一碗麵！見阿叔冇out番一碗麵既錢出黎..我就叫另外一個阿嬸級waitress過黎..諗住叫佢改番.. 點知佢就話“你搵番頭先個個啦”.. 激死！後來阿嬸見我黑晒面，死死地幫我叫阿叔改單，點知聽到阿叔遠遠咁話“佢叫波菜麵我都冇加佢錢，減咩呀？”老細..唔係你皇恩特赦唔加我錢喎..係你張menu冇講波菜麵要加錢喎! 轉頭阿叔拎左2碗麵比我地..一碗係普通麵..呢個時候男朋友出聲.."我地都話要一碗囉".. 阿叔先好唔鐘意咁拎張單去改..
講番碗麵.. D丸唔講唔知原來係醬爆..仲唔覺有沙爹味.. D波菜麵打個結可以扎頭髮... 唉~ 仲要迫住用埋抽屜裡面既餐具..我洗左好幾次... 好彩既係..我未有肚痛..
廿幾年老誌號係咪代表唔駛理衛生同環境？
張貼