明將迴轉壽司餐廳 (已結業)

早幾日一個人經過見幾多人，諗住試下，雖然係平，但食到無哂尊嚴，真係貼錢買難受！唔駛錢都唔會再食！超憤怒！！食物、服務都其差，唔新鮮兼勁難食，放o係上面轉個d，得最cheap最難食個幾款，例如：豆腐皮、中華沙律、螺肉等，連三文魚都無！上面d刺身又小又薄，飯就大舊，仲要係暖，食左兩碟，有半舊飯未食，就即刻走過來同你講唔可以剩，駛唔駛咁急呀！簡直一路食一路比人監督，坐監咩！問佢可唔可以order，佢竟然話無，你等下啦，嘩！大佬呀！第一：我趕住返工，第二：輪米咩！過左一陣，居然聽到隔離o個個人叫三文魚，但今次佢無話無囉，咁我都即刻叫碟，但d三文魚濕濕o地，感覺太差！最後食左5碟就走哪！惠康、百佳都好過佢呀！超級垃圾！唔明點解仲咁多人幫襯，應該快d執，唔好再遺害人間！隔離酒店d自由行應該好多中招！