峇里園印尼餐廳 (已結業)

八點幾，行晒成個新世紀，間間食肆都好多人等位，係呢間行過2次都無人等，倦到不想再行便入去試下。入到去坐低都差不多九點，都有九成滿，感覺有D逼。散點了椰汁雞、特別印尼炒飯、印尼烤鬆餅同軟殼蟹紙米卷。點軟殼蟹紙米卷個醬怪怪地，食到酸味、薄荷味，第一啖仲似牙膏味。印尼烤鬆餅同特別印尼炒飯都ＯＫ，串沙嗲就麻麻地。椰汁雞賣＄７８，全碟只得四件雞肉加少少洋蔥，Ｄ汁又稀，極之差。服務又差，食完Ｄ碟無人收，水又無人加，叫了經理埋單又唔記得，仲淨係掛住執其他走咗客人Ｄ枱，所以埋單時都無俾貼士。