鳴門日本料理 (已結業)

前後半個月都唔夠, 師傅已經急不及待要再黎多次, 因為實在太掛住呢度野食, 於是乎幾日前再次光顧!預先打電話黎訂位, 一行三人準時到達, 好彩唔需要等位, 不過就發覺幾多人下, 唔理咁多大家商量下食d咩先, 最後師傅要左個七味雞湯拉麵, 而友人就要左個海鮮湯烏冬同埋銀雪魚定食, 再加煎餃子, 串燒豬頸肉同埋串燒雞翼! 拉麵同烏冬分別有菜絲沙律同埋煎餃子兩隻, 而定食都有沙律, 蒸蛋同麵豉湯!先講七味雞湯拉麵, 拉麵湯底係豬骨湯底, 湯底好甜好味, 冇味精, 而七味雞就好鬆, 但係就唔辣, 拉麵都幾彈牙, 幾好味; 而菜絲沙律就好清好爽好新鮮, 唔差; 煎餃子真係整得出色, 餃子煎得好香, 而個皮一d都唔會煎到硬, 熱辣辣真係勁好味; 豬頸肉有兩串, 燒得好香好爽口好入味, 比上一次好; 串燒雞翼就有兩串共四件雞翼, 雞翼都燒得好香帶少少, 雞翼好鬆不過雞皮上d毛就比較多, 呢度真係扣唔少分! 而其他野食師傅今次就冇試過, 不過見到友人食得好滋味, 就知一d都唔差啦!總括黎講食物質素真係好好, 環境舒服, 份量十足, 真係食到好飽, 而招呼週到, 服務非常好! 價錢合理加上選擇又多, 師