Awfully Chocolate (已結業)

一直都好想試佢的蛋糕奈何不設cut cake外賣，直到前一排有朋友生日我便獻計提議買個awful又evil的朱古力蛋糕賀一賀佢。我好怕呢個蛋糕會好漏所以決定只訂普通6吋的size，因有朋友生日的關係我就早一日打電話去落訂同叫佢地唧字花。第日攞完個蛋糕去到我地食飯的餐廳，點知個friend之前無訂位，等左一陣，好彩個蛋糕無溶到。飯後戲肉係喇，我地一行四人侍應幫我地分左一人一個quarter，對住件野大家都好有心理壓力，究竟我食唔食得哂呢？一食落去，ok喎，外層的朱古力醬無我想像的濃，應該係個海棉蛋糕造得好spongy的關係所以整體亦十分輕身，當初我仲以為會好重疊疊，好evil個種。甜度亦可接受而且食到應有的朱古力味，不過就唔算好濃烈。食下食下，只有我一個人食哂成件，哈哈，我都係甜魔一個(不過相比起OR內其他女子，我又算得d咩呢)。