Simplylife Bakery Cafe (已結業)

相信呢間Simply life好多人行商場都會經過，或者聽過，包括我在內。但我一直都無特別去食過。今次去開九龍灣就特登約埋個frd一齊lunch食下。因為我早左去到所以唔洗等位。入邊環境都幾靚，門口就賣焗麵包，入面就係餐廳食野。我地叫左哥達芝士蘑菇雞肉漢堡同松露雜菌闊條麵。佢1個set加餐湯或沙律92蚊，lunch黎講唔平，但味道唔錯，西餐有既水準。令我驚喜既係餐湯同餐茶，唔係普通0茶，似係百香果加其他水果既特飲，唔太甜好清新，而餐湯都好濃郁，配包岩岩好，絕對會返轉頭。