影片
更多
2020-07-17
993 瀏覽
由九龍站或者西隧轉車站開始行入西九文化區，慢慢行嘅話大約15分鐘路程，原來西九文化區入而都有幾間黃店架 😚小編星期日嘅下午嚟到呢間叫唞唞嘅Cafe，唞唞係Brew Note Coffee嘅分店，中大同浸大嘅同學仔一定唔會陌生。一嚟到就要先排隊，雖然未有得先睇餐牌，但排到嘅時候店員都會好耐心講解無種咖啡豆、抹茶同烏龍茶嘅特點，如果顧客有啲猶豫，店員都會好樂意再因應顧客嘅口味再作出推介，非常抵讚 ☺️😋 Brazil Sao Francisco Natural Affogato 雪糕咖啡 $66 利申返先，小編唔敢自稱品評家，所以聽完一輪講解之後，都未好了解自己想飲邊一隻，店員再了解之後，就推介咗Brazil Sao Francisco Natural呢款咖啡豆畀我喇，呢隻咖啡比較濃味同nutty，又無咁酸。其實咖啡嚟講，每一款都有唔同特式，最緊要係搵啱自己嘅口味啊😆 揀完咖啡豆之後，可以揀齋啡(Black)、奶啡(Latte)、雪糕咖啡(Affogato)、一啡兩味、湯力(Tonic)或者朱古力咖啡(Mocha)，小編就揀咗雪糕咖啡。雪糕咖啡就係將熱齋啡同雲尼拿雪糕分開上，再將個咖啡倒落個
小編星期日嘅下午嚟到呢間叫唞唞嘅Cafe，唞唞係Brew Note Coffee嘅分店，中大同浸大嘅同學仔一定唔會陌生。一嚟到就要先排隊，雖然未有得先睇餐牌，但排到嘅時候店員都會好耐心講解無種咖啡豆、抹茶同烏龍茶嘅特點，如果顧客有啲猶豫，店員都會好樂意再因應顧客嘅口味再作出推介，非常抵讚 ☺️
😋 Brazil Sao Francisco Natural Affogato 雪糕咖啡 $66
利申返先，小編唔敢自稱品評家，所以聽完一輪講解之後，都未好了解自己想飲邊一隻，店員再了解之後，就推介咗Brazil Sao Francisco Natural呢款咖啡豆畀我喇，呢隻咖啡比較濃味同nutty，又無咁酸。其實咖啡嚟講，每一款都有唔同特式，最緊要係搵啱自己嘅口味啊😆 揀完咖啡豆之後，可以揀齋啡(Black)、奶啡(Latte)、雪糕咖啡(Affogato)、一啡兩味、湯力(Tonic)或者朱古力咖啡(Mocha)，小編就揀咗雪糕咖啡。雪糕咖啡就係將熱齋啡同雲尼拿雪糕分開上，再將個咖啡倒落個雪糕度，呢種食法小編都係第一次，除咗有雪糕食仲可以慢慢品嚐咖啡嘅香味 😛
Brazil Sao Francisco Natural Affogato 雪糕咖啡
$66
16 瀏覽
0 讚好
0 留言
😋 三文魚醬牛油果三文治 $128
落單嗰陣店員已經表示因為食物就即製，可能要等耐啲嘅時間。結果等咗大約40分鐘，大約係品嚐完一份雪糕咖啡嘅時間，食物終於到喇。雖然係耐咗少少，但腦細(?)好好服務。佢話因為唔夠三文魚，所以有半份幫我轉咗龍蝦，為食嘅小編表示無乜所謂，最緊要好食😝 先講三文魚三文治，三文治入面有生同熟嘅三文魚，牛油果亦都令份三文治更加清新🥑 不過唔知係咪因為唔夠三文魚，令我感覺唔係好抵食。另一半嘅龍蝦三文治真係令小編留下非常深刻嘅印象，龍蝦肉切得好大粒，仲要啖啖都食到好多粒龍蝦，加埋啲洋蔥等等嘅配料，真係好入味，小編一路食一路諗：「究竟咁樣將成隻龍蝦擺入個包度咁足料，間Cafe會唔會蝕死架⋯⋯」乜都抵返晒🤣 希望腦細可以諗諗將個龍蝦三文治擺落個menu度 🦞
三文治
$128
11 瀏覽
0 讚好
0 留言
三文治
$128
58 瀏覽
0 讚好
0 留言
三文治
$128
35 瀏覽
0 讚好
0 留言
整體嚟講，唞唞呢個位置同環境，放假嚟安靜咁chill吓真係一流，食物水準亦都高，店員態度亦都令顧客感到好親切。本來Weekend最好就係去海邊，嘆住杯咖啡聽聽海浪聲，過返一個悠閑嘅下午🌊 不過因為疫情嘅關係，好多人都選擇咗去行山或者西九文化區，令到Weekend嘅西九都逼爆咗，仲好多人唔戴口罩😷 小編喺度都希望香港人喺出街遊玩嘅同時，保持返應有嘅公德心，咁大家咪玩得開心又放心囉～ 同埋最近嘅人流，一間cafe仔幾個人真係好難頂得住，希望顧客們都多一點包容同體諒，如果唞唞變咗churchur就唔好啦🤯
張貼
