新唯一麵家 (已結業)

呢間小店裝修後比較企理，但唔算靚，睇得出無好用心機打理。呢度服務一啲都唔好，一個光頭侍應，落完單，隨手掉張單落枱，態度極差，真想掉番佢張單轉頭。試下食物先... 豆漿豆漿應該係之家製，熱辣辣，味道質素相當好，值得一讚。👍🏻無錫小排骨酸甜味啱啱好，但肉質肥膩，汁底好肥膩，整個都肥肥膩咁👎，至於個麵有雪菜鋪面，麵質軟熟，過得去。豬扒麵唔熱，似隔夜豬扒，肥膩得很，零分👎蔥油餅香蔥味道唔夠，非常肥膩👎，不過熱辣辣，份量多。窩貼啲餡嘅味道係好，但皮厚，極肥膩，葱油餅同窩貼都咁肥膩👎，全部因為佢哋唔係即叫即整，而係整咗之後由得佢擺喺度，等啲油被索番落啲皮果度，睇得出無心做好，得過且過，一成不變。👎總括一句，前人係有好配方做食物，現在嘅老細無心機做食物👎，服務唔改👎，態度唔改👎，只能靠平👎，可惜！