Le Grand Pokka Cafe (已結業)

喜歡雅蘭中心 Le Grand Pokka 的環境，尤其卡坐，十分舒適。但因某健身中心於去年年中結業已比較少踏足旺角。最近光顧發現晚市餐牌跟以前不一樣。除原有大餐牌外還附有兩張獨立餐牌各列出西式及日式套餐，選擇不少。選定香蒜煎上級豬排配日式燒肉汁跟飯。所有西式套餐可選餐湯或沙津 - 羅宋湯比想像中濃，唔錯。 但都係嗰句，本人喜歡西式餐飽多過牛角飽。至於主菜香蒜豬排，有驚喜，豬排個面煎得好脆，肉質軟熟兼 juicy，再配埋放喺面啲炸蒜， perfect!甜品又係有啲求其，是旦啦😑咖啡仍然是賣飛彿☕️