翠華餐廳 (已結業)

上星期5因為冇帶飯, 所以同2個同事一齊出去食lunch~由於係中環中心返工~近近地試下呢度既翠華~搭正一點即刻衝落去~已經見到有條細人龍~入座安排都ok~我地都係等左5分鐘左右~入到去已經見到座無虛席~而且個個都坐得好埋~幸好環境望落去都算乾淨, 整齊~伙計俾左個長形檯我地~同人地share~一坐低立即睇下有咩食~佢d午餐一般都係$45, 有飯/意粉 送一杯熱飲~不過黎呢度當然要試下最出名既奶油脆脆~同埋一試佢底細既熱奶茶~6,7分鐘後我杯熱奶茶同埋奶油脆脆已經上檯啦~一開兩邊既奶油脆脆烘得岩岩好~唔會燶~或者太油~咬落去~個豬仔包好脆~裡面好軟~暖暖地~上面d奶油topping份量剛好~唔會太甜太膩~好正~每半邊都有4分3隻手掌咁大~係中環區$12蚊一份算合理~至於杯奶茶~茶味對我黎講可以重d~份量都應該多返d~因為真係好細杯~大約比茶樓d杯大少少ja~$14蚊感覺有d唔抵~我會prefer飲大家樂本人覺得都係喜歡灣仔金鳳既奶茶