放下素 (已結業)

過去一星期不斷食肉 所以食晏揀咗去登籠街茹素 餐廳以「我願意放下對食物 服務要求 做福世界」為口號有別於傳統素菜 採用自助餐形式 食幾多攞幾多今日午市有七十幾款選擇 一入眼簾嘅係沙律吧 相比起蔬菜 新鮮果類更多 包括梨 菠蘿 香橙 木瓜等等最特別係有涼粉供應 我即時DIY芋圓木瓜涼粉消暑旁邊風乾機可以自製果乾 脆中帶甜 最啱當飯後天然健康零食然後我試咗最近流行嘅未來漢堡 外貌上與真漢堡相似用豆製成 香煎過口感爽彈煙韌 加上個人化配搭一定啱口味 而且自己烘麵包揀配料 有得玩又有得食 拿破崙薄餅又係驚喜之作 由香甜蕃茄 芝士與羅勒葉組成薄脆批邊 正宗意大利風味 味道絕對唔會輸比肉食pizza如果喜歡冷盤就可以選擇涼拌系列 涼拌萵筍與涼拌土豆 兩者細嫩清脆 食落爽口 夾雜酸酸甜甜 夏天食用格外透心涼另外冰鎮菜心個人非常推薦 一直置於冰面之上保持冷凍之餘 更加強菜心爽口感 以及突顯鮮甜粉絲娃娃菜以及素版菠蘿咕嚕肉都值得一食前者娃娃菜爽甜配合有咬口嘅粉絲 好有媽媽嘅味道後者以酸齋代替肉塊 加上菠蘿及彩椒 清新惹味其餘中菜款式素而不寡 而且比想像中易有飽腹感整體環境可能因為茹素關係 大家都好安靜