Subtle Island

營業中

休息中

餐廳位於旺角，裝修設計充滿唯美摩洛哥風情。呢個打卡位其實真係唔錯，晏晝嗰陣時太陽直晒落嚟會見到牆壁都好似發緊光咁。傍晚影嗰陣時後面嘅燈開着左會增加異域風情。室內有着一個仿真沙灘，可以比客人躺臥。中間有一個比較大嘅吧枱。室內仲有大型水池，條石子路係通向lift口同埋水池嘅方向。不過我係喺室外進食既。餐廳都提傾左太陽傘去遮擋猛烈陽光。傘下亦有大型鼓風機，侍應倒水落去，風扇能吹出大量蒸汽出嚟降溫。整體來講唔會令人感到太熱。食物方面，算係比較大份。我叫咗個黑松露蘑菇飯食咗一半我已經覺得飽飽滯滯。食物口感豐富，濃香嘅奶味有着淡淡的松露香。飯粒有少少軟爛，蘑菇入味。餐廳有免費嘅飲用水提供。不過，我都係選擇要一支白酒嚟配呢個飯。