豚道樂 (百合苑商場) (已結業)

今日無聊。睇完拉麵赤貓，心思思想食拉麵。紅磡呢頭嘅話，一係拉麵天王，一係就係呢間喇。記得有一排成日想食拉麵，呢兩間都係有去過。不過剩係豚記我有印象返啅好幾次。一時又唸唔起點解。今日去，回憶返晒黎。真係唔會點出事嘅舖頭。雖然我覺得貴（基本上香港所有拉麵我都係覺得貴，因為我同前輩呢啲cheap精去大阪食親唔會超過1000円），但係水準真係保持一貫。食拉麵我通常都係曲面，呢間唔記得點解我潛意識都係揀幼麵。我應該以前比較過係幼麵好食啲。簡單講，穩陣真係呢間。（P.S. 唸起點解唔去拉麵天王喇！主要係外面等夏天好難頂。豚記起碼係商場內有冷氣。不過多人嘅時候都要罰企半個鐘。）