影片
更多
2021-11-14
2656 瀏覽
地址－和三昧銅鑼灣軒尼詩道555號東角中心22樓有日有班好耐冇見的朋友想約我去銅記食飯，話想食一點高級少少的日式料理，所以就去左呢間食，真係高級少少咁大把咩 =.=?? 咁岩鐵板前的位置有位比我地坐，咁當然唔會放過呢個欣賞的機會啦，而我地揀左個商務套餐，一點完就上左個沙律前菜，佢呢度D菜都幾新鮮爽脆，都幾甜，加埋適量的芝麻醬，令人想食多一碗呢！💋銀鱈魚，大蝦，燒和牛粒，師傅係我地面前煎蝦同銀鱈魚，整完就隨即分配係我地隻小碟上，過程爽快又唔會有多餘的動作，好似一場表演咁，令人目不暇給！首先講下銀鱈魚先，佢食落冇咩雪味，肉質結實，唔會一夾就晒，食得出有淡淡的魚味，幾好，大蝦方面佢連埋頭都比埋我地食，個頭裡面都幾多膏下，好正，蝦肉都爽滑彈牙，和牛粒就係師傅睇住我地食緊蝦的同時就開始處理，佢只係落左D鹽去調味，配埋炸蒜片一齊食，牛肉味更突出，正！而佢都另上一塊鐵板烘多士，塊多士仲印埋和三昧的LOGO，勁有心思，配埋和牛粒一齊食，D牛油比塊多士索左好多油，好正！💋鐵板炒飯及炒雜菜，係我地食緊肉的時間，師傅又開始炒飯，佢直頭好似表演咁，視覺享受滿分，佢個炒飯係用之前剩落的和牛油黎炒，做到粒粒分明，
銅鑼灣軒尼詩道555號東角中心22樓
有日有班好耐冇見的朋友想約我去銅記食飯，話想食一點高級少少的日式料理，所以就去左呢間食，真係高級少少咁大把咩 =.=?? 咁岩鐵板前的位置有位比我地坐，咁當然唔會放過呢個欣賞的機會啦，而我地揀左個商務套餐，一點完就上左個沙律前菜，佢呢度D菜都幾新鮮爽脆，都幾甜，加埋適量的芝麻醬，令人想食多一碗呢！
💋銀鱈魚，大蝦，燒和牛粒，師傅係我地面前煎蝦同銀鱈魚，整完就隨即分配係我地隻小碟上，過程爽快又唔會有多餘的動作，好似一場表演咁，令人目不暇給！首先講下銀鱈魚先，佢食落冇咩雪味，肉質結實，唔會一夾就晒，食得出有淡淡的魚味，幾好，大蝦方面佢連埋頭都比埋我地食，個頭裡面都幾多膏下，好正，蝦肉都爽滑彈牙，和牛粒就係師傅睇住我地食緊蝦的同時就開始處理，佢只係落左D鹽去調味，配埋炸蒜片一齊食，牛肉味更突出，正！而佢都另上一塊鐵板烘多士，塊多士仲印埋和三昧的LOGO，勁有心思，配埋和牛粒一齊食，D牛油比塊多士索左好多油，好正！
💋鐵板炒飯及炒雜菜，係我地食緊肉的時間，師傅又開始炒飯，佢直頭好似表演咁，視覺享受滿分，佢個炒飯係用之前剩落的和牛油黎炒，做到粒粒分明，雖然只係一個普通的蛋炒飯，但可能加埋視覺呢一部份，令到個炒飯味道提升不少！唔會話過鹹，勁正，佢個雜菜方面，其中一個朋友表示唔鐘意食芽菜，話佢有種草青味，初初都話唔要，但係我地的”強權”之下，只好屈服，淺嚐少少咁，但佢都話佢呢個做法令到草青味消失得無影無蹤，最後可以一人食晒成份的雜菜，比個叻佢！
💋雪糕及咖啡，係滿足完充滿視覺及味覺的享受後，隨即奉上雪糕及飲品，我就揀左芝麻味雪糕及凍咖啡，佢雪糕方面好重芝麻味，又有少少奶香，唔錯，咖啡飲落幾潤滑，帶有少少酸味，有一種香醇的口感，幾好，佢貼心之處係糖水同奶分開奉上，可以根據心情自行調教，唔錯。
張貼
