玄鮨 (已結業)

三訪呢間銅鑼灣米芝蓮店，今次就試咗佢地新出嘅商務omakase，價錢相對平啲，值得一試。 🐟商務omakase $1280 p.p 🧡前菜❀ 鮟鱇魚肝❀ 蟹膏豆腐鮟鱇魚肝味道濃郁，口感嫩滑。蟹膏豆腐味道豐富，蟹肉鮮味，豆腐清香。🐟刺身❀ 室津蠔❀ 毛蟹刺身 ❀ 銀鱈魚 ❀ 劍魚腩 ❀ 藍鰭拖羅室津蠔肉質爽身，海水味重。😋 毛蟹刺身肉質鮮甜，配上蟹膏同海葡萄。北九州銀鱈魚用咗海苔漬，油脂豐富。醬油漬劍魚腩肉質嫩滑爽甜。🥰 值得一提係藍鰭拖羅加咗師傅自創嘅元素，師傅話要保留神秘感，想知係咩就去試下。🤣🍲和食金鯛立鱗燒炸過嘅金鯛魚鱗呈金黃色，表皮嘅魚鱗炸到好酥脆，肉質鮮甜。(⁎⁍̴̛ᴗ⁍̴̛⁎)🍣壽司❀ 活帆立貝 ❀ 鯖魚❀ 牡丹蝦❀ 白海膽活帆立貝配松露鹽，鮮甜嫩滑。鯖魚冇醃製過，保留到原汁原味。😆 俄羅斯牡丹蝦加咗蝦膏同魚子醬，口感黏稠。白海膽有海水味，口感細膩，有淡淡甜味。😋🥣魚湯魚湯呈奶白色，飲到魚嘅鮮味。🍈日本水果 最後以靜崗蜜瓜作結。蜜瓜甜而多汁，大滿足。