新橋餐廳 (已結業)

朋友約食飯，無意中search到新橋，跟住地址去，咦，點解係商廈來？水牌又搵唔到餐廳，既然來到，又唔想轉第二間（懶！）硬住頭皮上去試下搵唔搵到。出lift其實都係商廈間隔，搵左陣先搵到，個招牌喺走廊最遠處。入到餐廰又別有洞天，牆上壁畫令人感覺好relax, 仲有戸外地方，可以出去坐坐傾下計。叫左個二人set dinner. 頭盤黑醋呑拿魚沙律，酸酸甜甜好醒胃，呑拿魚無根，好食！主菜要左開邊龍蝦伴鯖魚、羊架。龍蝦都幾大隻，加上芝士焗完後，肉質仲好冧。羊架唔蘇，煎得剛剛好，唔會好鞋。晩市人唔太多，坐得好舒服，下次可以再同老公來食下、拍下拖。