三點三冰室

營業中

休息中

青衣城地下有間冰室，早午下午茶同晚餐有唔同食物供應，晚市主打鐵板餐同港式小炒，另有粉麵飯、炸物、小食可以選擇。店內環境唔大，半開放式，主要做街坊生意，一家大細嘅多，價格合理，地點方便，住喺附近嘅不妨試試。私心推介煲仔菜式，款款惹味又香口，適合配飯。魚香茄子肉碎煲醬汁濃郁且濃稠，茄子煮到好腍，清甜無渣、鹹魚雞粒豆腐煲配料十足，雞粒大件啖啖肉，豆腐內裏軟身、馬拉盞啫啫通菜煲吸飽醬汁，唔辣，入味，菜品新鮮。另外有經典嘅咕嚕肉，外層薄身，醬汁唔多，肉質偏瘦唔粉，果然真材實料，菠蘿酸甜，份量適中。椒鹽豬扒味道清淡，唔肥唔油，淡淡香氣，感覺幾健康，建議食埋蒜粒，會令到整體味道同口感都昇華咗。