美食屋 (已結業)

晏晝出席完學校嘅頒獎禮之後冇地方好去，成班朋友一齊提議落灣仔玩具街行下。既然落得灣仔，188廣場係一定要去一去㗎啦，順便入面間食店係要推薦一下的。我就叫咗個雞扒肥牛撈麵加大麵底，機乎我次次去食都係叫呢個。雞扒一直都keep住幾滑嫩下，肥牛都比得好足，夠大塊夠多。我啲friend就叫肥牛撈麵、芝士腸魚蛋燒賣撈麵。之後啲friend同我講返都話呢間好抵食，後悔以前唔知有呢間嘢，而且佢啲料同麵都比得好足，食得唔多嘅人其實唔加大麵底都可以喂飽自己，當一餐咁食都得。