金坊泰國美食

營業中

休息中

有時想食泰國菜又唔想落九龍城，哩間都叫幫到手😂，近近地又唔使坐得咁迫夾，今日叫咗個咖喱軟殼蟹，其實都係為咗食蒜蓉包條🙈，不過佢個咖喱甜甜地辣辣地幾好味㗎，軟殻蟹亦炸到脆卜卜、當然唔少得主角蒜蓉包條啦，我估呢個都係佢哋嘅招牌菜😂，麵包好厚好大條，落咗勁多牛油同蒜蓉焗，用嚟點咖喱真係不得了、另外都叫咗個生菜包，如果唔食得辣嘅朋友，記得叫佢走辣，因為都幾辣㗎，最後我想講，佢嗰度有個啤酒優惠，寫住逢星期一至星期四係有特價，食飯當日係星期四，不過埋單係正價，應該又係果啲假期前夕🤦🏻‍♂️餐牌當然冇寫明，我都費事同佢坳🌚希望餐廳留意下啦。