咖啡灣 (粉嶺中心) (已結業)

係粉嶺接朋友放工，行左陣商場都唔知食咩好，經過見到有間cafe野食望落都唔錯就入去試下。望住個menu睇左好耐先決定到食咩，因為佢實在太多款式，有意粉飯漢堡甜品咩都有，全部都好想試糾結左十分鐘終於揀左兩款意粉，分別係軟殼蟹黑松露意粉同埋明太子醬意粉。軟殼蟹意粉黎左先，一上菜都聞到幾想黑松露味，蟹既size唔算好大亦都唔細，咬落去都幾香，不過如果再脆d會更好，但都幾特別好少係其他地方可以食到，意粉質地偏硬身唔錯。後上既明太子醬意粉味道亦都唔錯，醬汁好夠食落去唔會乾爭爭，甜甜地既醬好惹味，上面仲有好多木魚片好好食。呢度店員亦都好好服務，會不斷主動幫你斟水，不過可能同朋友坐得比較耐再加上店座位有限，想再坐耐d傾計都唔太得。兩個人食左差唔多一百蚊，西餐黎講價錢都差唔多，野食都唔錯，大家黎粉嶺都可以試下。