燈籠滷味 (新都會廣場)

營業中

休息中

燈籠滷味濃郁嘅滷水香又成功吸引咗我黎幫襯，唔洗去逼台灣夜市，在商場內嘆住冷氣一樣食到正宗滷味！環境布置十分有台灣夜市特色，招牌燈籠同懷舊招牌燈箱，令人好似真係在台灣夜市咁。招牌滷味，用各種材料在滷水中翻滾，最愛揀返幾款加份米線當做一餐。白蘿蔔夠冧且清甜入味、鳥蛋充滿滷水鹹香、大豆皮口感唔錯豆味十足、甜不辣口感Q彈，加入米非常滿足。台灣紅燒牛筋肉滷肉飯，份量超級多，勁多舊牛筋肉好抵食，牛筋肉入味大塊，煮得好冧又入味！配菜有半滷蛋、粟米、酸菜，非常滿足！另外都有好多台灣街頭小吃，蛋餅、香炸花枝丸、鹽酥雞都好吸引！尤其系香炸花枝丸，金黄色澤，花枝飽满，非常香口彈牙。