影片
更多
2013-11-08
21 瀏覽
聽到食友話屯門安定邨開左一間OK嘅，價錢合理嘅歐陸餐廳，同家姐傾計時講到，佢話一於帶埋爸爸媽媽一齊去試下，順便入去行下 我地約三點多到達，人唔太多，餐廳裝修清幽雅緻，餐枱同椅全部都係實木大傢俬，頗具特色，空間寛敞舒適，牆壁添置左一些有心思嘅經典歐陸風味嘅裝飾，你會感受到該店主人的誠意！到點菜時，侍應懇勤的細心介紹，而餐牌内好多食物都啱心水，但商量後，點了小食同主菜各三款。第一道係爹哋想食嘅煙三文魚芒果柚子沙律，芒果味超重，但味道偏甜，而煙三文魚啲色澤好似唔係咁鮮，但份量超多，$49有成四、五塊之多，而每塊沙律生菜都沾滿芒果汁，少少酸酸甜甜幾開胃呢！第二道係軟殼蟹芒果米紙卷 大大粒芒果與酥脆嘅軟殼蟹，用越南米紙包，裏面亦有芒果汁，但皮略為厚了點！德國式啤酒焗釀春雞$79 好特別嘅菜式，上菜時係隻雞喺啤酒礶之上，而用啤酒醃過春雞，之後拎去焗，味道好好，雖然係春雞但都厚肉鮮嫩鬆滑，同啤酒味配搭得很好。柏林肉腸拼盤配酸菜 一碟拼砌得很豐富，有各款不同類嘅腸：法蘭克福腸、蘇寶力腸、黑森林腸和維也納腸，或味道較淡的蘑菇雞肉腸及香口的波子腸等，全部都有唔錯嘅味道，尤其那法蘭克福腸，因為感覺唔係咁肥同
到點菜時，侍應懇勤的細心介紹，而餐牌内好多食物都啱心水，但商量後，點了小食同主菜各三款。第一道係爹哋想食嘅煙三文魚芒果柚子沙律，芒果味超重，但味道偏甜，而煙三文魚啲色澤好似唔係咁鮮，但份量超多，$49有成四、五塊之多，而每塊沙律生菜都沾滿芒果汁，少少酸酸甜甜幾開胃呢！第二道係軟殼蟹芒果米紙卷 大大粒芒果與酥脆嘅軟殼蟹，用越南米紙包，裏面亦有芒果汁，但皮略為厚了點！
德國式啤酒焗釀春雞$79 好特別嘅菜式，上菜時係隻雞喺啤酒礶之上，而用啤酒醃過春雞，之後拎去焗，味道好好，雖然係春雞但都厚肉鮮嫩鬆滑，同啤酒味配搭得很好。柏林肉腸拼盤配酸菜 一碟拼砌得很豐富，有各款不同類嘅腸：法蘭克福腸、蘇寶力腸、黑森林腸和維也納腸，或味道較淡的蘑菇雞肉腸及香口的波子腸等，全部都有唔錯嘅味道，尤其那法蘭克福腸，因為感覺唔係咁肥同無咁重口味，不過可能全碟都係腸的關係，所以係不能完成的。
美國黑安格斯肉眼扒$208 ，我要求係亦6成熟，但上來的係9成，不過就算過左我要求，但肉質都仍然唔靱同唔鞋，不用點汁都好夠味，薯條係鮮炸的，粗幼適中，非常香脆，加左香草與粗鹽，為美味嘅薯條更突出。
美式燒原條豬仔肋骨$108 呢個係爸爸最讚嘆嘅一道菜，酸酸甜甜的醬汁鋪滿整條豬助骨，不太乾及太甜，食落好juicy但係非常入味，證明醃製同烤爐嘅時間都控制得好好！
我叫的碧咸和媽媽叫的紐約巨風 紐約巨風有伏特加蘭母酒和巨峰葡萄梳打，飲落唔係好覺有酒味，有啲似飲緊提子汁梳打，唔太甜，refreshing，幾好。 而我好欣賞呢杯碧咸，當中有伏特加，橙酒同朱古力冰沙，亦都係無乜酒味，但朱古力味好濃，好滑，好味到飲完一啖又一啖，唔會飲到細冰冰粒碎，滑得嚟又唔會太重奶味.
甜品時間到了，我地揀左黑古勒掘嘅太妃玉露，熱帶彩虹法式班戟同彩虹美式班戟，其實呢四款甜品嘅配料都好似，都係有龍眼，荔枝同芒果咁，重重覆覆，有啲悶。 太紀妃玉露有荔枝，龍眼，金柚，黑珍珠同牛乳奶凍，再用花奶水鋪面，牛乳奶凍不太滑，質地似啫哩多過奶凍，應該係落左過多魚膠粉，黑古勒掘有涼粉，黑珍珠，茘枝，龍眼同花奶，無乜特別。
熱帶彩虹法式班戟，係黃色班戟皮包住crepe同芒果，即係我地食開嗰啲crepe, 伴碟有芒果，荔枝，龍眼同朱古力淋面.彩虹美式班戟係三塊厚厚嘅煎班戟上面加球雪糕，加上藍莓同朱古力醬，可能食到太飽，呢味甜品唔太適合，班戟本身無乜味的，唯有點他的醬食，最多加上草莓一起吃，因為就算同芒果或茘枝一起食都係dry ，但不可不提，他們用的草莓裝飾，弄得十分漂亮呢！
呢家餐廳裝修很用心，價格又相宜，如果食物方面，尤其是甜品款式，再加點心思同選擇，一定有潛質，並且會能在飲食市場上佔一席位的。
張貼
