Flames (海灣街)

營業中

休息中

平日講起鰂魚涌，多數會諗起好多商業大廈，但係比較少會諗起食嘢嘅地方。其實佢都收收埋埋都好多嘢食㗎，今次就去咗鰂魚涌嘅 Flame 食晚餐。餐廳都唔係咁容易搵，因為係後巷嘅位置。最近都食得好多肉，所以一開始就叫咗個西蘭花蘋果杏仁片沙律share做前菜。沙律都食唔少，但係比較少食有西蘭花做嘅，配合埋杏仁片，咬落去非常之有口感。主菜方面叫咗個雞肉卡邦尼意粉，因為多咗雞肉嘅關係，感覺比平日嘅卡邦尼意粉材料豐富，白汁嘅份量適中唔會太漏。雖然最近成日食扒，但係忍唔住再叫咗個10安士肉眼扒配薯條，肉眼扒份量都幾大，牛味夠重，薯條都揸得非常之香口。飲品方面我哋一人叫咗一杯Prosecco同埋Kozel啤酒，Kozel啤酒係捷克啤酒，佢哋serve非常之大杯，而且麥味好重，朋友飲到好滿足。