啊‧一家 @Freshlane (已結業)

因乜解救無食評都想試，係因為價錢太抵呀，叫咁多嘢食都係三百零蚊，試過一次覺得好掂呀，所以未寫完食評已經食第二次喇，真係平靚正呀！🥢涼拌辣章魚⭐️⭐️⭐️⭐️🥢涼拌菠菜⭐️⭐️⭐️⭐️🥢涼拌芽菜⭐️⭐️⭐️籮白係叫炸雞送嘅，4個前菜中我要推介涼拌辣章魚，章魚大條有咬口但唔會韌，而菠菜就爽嫩無根，呢兩款第二次食有encore。🥢芝士雞蛋卷⭐️⭐️蛋香但唔夠滑，盒裡面有好多倒汗水，影響咗個口感，幸好蛋卷包有好多芝士，還算ok。🥢泡菜豆腐湯⭐️⭐️⭐️⭐️湯𥚃面竟然有五花腩？不過肉好好味，同泡菜豆腐好夾，湯少辣好正，一碗份量都大。🥢蜂蜜蒜香炸雞一隻(有骨)⭐️⭐️⭐️⭐️有骨同無骨都食過都好味，雞肉嫩滑又炸得香脆，最正係個蜂蜜蒜香味道，少辣入味非常，夾埋蒜粒食超正，推介！二人共消費：$310 (外賣平台自取)