紅磡雞蛋仔

營業中

休息中

呢間老字號嘅鋪頭，紅磡街坊必食雞蛋仔同班戟，假期嘅下午見到好多人排隊就唔會去食，難得平日放假就去試下同回味下個味道啦！平日下午三點去叫左一份沙律芒果班戟，完全唔使排隊， 一分鐘就攞到，今次嘅班戟係即刻整，所以係熱辣辣，跟著就會加沙律同芒果係入面，估唔到芒果份量都好多，每食一啖都有果肉，本身好dry嘅班戟加芒果沙律係好夾，建議要立刻食，如果唔係班戟就會變淋同出水。係香港嘅老店要多啲幫襯先可以保留到，有機會再食埋佢嘅雞蛋仔同格仔餅！