J.Co Donuts & Coffee (已結業)

Item: J.Co Donuts & Coffee
Rating: 5
Author: meowww_trips

195 食評

味道

環境

服務

衛生

抵食

11035

灣仔

$51-100

西式西式糕點咖啡店

112

meowww_trips

等級3

今次介紹嘅係香港最近都好hit嘅donuts店(⁎⁍̴̛ᴗ⁍̴̛⁎)依間冬甩店本身係來自印度的～今次食發現佢有好多特別嘅味道，例如：Cappuccino、Tiramisu、Avocado等( ´▽｀)～

💜J.Pops Baby Donuts (24 pieces)

🍩Choco caviar chocolate
上面有一啲脆脆粒，整體上咬落去成個口感頭好似食緊金莎朱古力咁! 咬落去面頭的朱古力是綿滑，咬落個下入邊嘅朱古力餡係更加香濃的朱古力味而且更綿滑，好似心太軟的感覺(*☻-☻*)

🍩Jcoccino
係意大利泡沫咖啡味，有一種濃濃回甘的咖啡香味，一咬落口就有一陣香香的咖啡味擴散到口腔之中，再加上上面本身沈左啲杏仁碎片，所以會有一啲脆脆嘅咬口感(⁎⁍̴̛ᴗ⁍̴̛⁎)今次嘅餡係好軟滑的白忌廉，因為本身冇乜味，所以就中和到上面的咖啡醬味( ´▽｀)

上網搵原來佢哋係用印尼咖啡豆調配而成的，怪唔之得有咁香嘅咖啡香味(*☻-☻*)

🍩Tiramisu
第一口咬落唔太有Tiramisu味，但係有少少似白朱古力加少少黑朱古力嘅感覺，而入邊都係白忌廉，所以都係靠上面嗰層白朱古力醬，去帶出嗰個甜味(￣∇￣)

🍩Oreology
咬第一啖係有驚喜嘅(///▽///)! 佢相比其他冬甩係比較實心啲，咬落去嘅餡係好濃郁厚實嘅朱古力醬，好似將成粒軟心朱古力擺落口咁(*☻-☻*)好似雪硬左但係軟綿綿嘅質感，咬落去成個朱古力個口感都好濃郁，再加上有Oreo粉作少少點綴(雖然Oreo味唔出)，但係整體嚟講呢個幾唔錯(⁎⁍̴̛ᴗ⁍̴̛⁎)

🍩Mr Green Tea
一食落口有浸淡淡的綠茶味，加上上面有杏仁碎，個配搭都幾清新，另外入邊嘅餡都係白忌廉～

🍩Heaven Berry
食第一啖會有浸淡淡的草莓味🍓，相比起其他口味，呢個會比較有種酸酸甜甜嘅感覺，餡入邊都係白忌廉來的，成個口感相對會比較開胃，唔鍾意太甜嘅人可以試試(*^o^*)

🍩Avocado Dicaprio
食落去唔係有唔太濃郁嘅味道，淨係靠上面的朱古力碎來調味，會有啲朱古力味，而入邊都係白忌廉，呢款冬甩相對比較普通～

🍩Jacky Chunk
呢個食落比較實身，上面有濃郁嘅朱古力醬再加上面頭沈左啲花生碎，而入去個餡係好濃郁厚滑嘅朱古力，好似擺咗粒朱古力塊落去咁❤️

🍩Alcapone
上面係白朱古力醬的味道，再配上杏仁碎片，食落係甜甜的，相對黑朱古力嗰啲會比較甜，而個餡入邊係白忌廉～

🍩White dessert
呢個係上面沈左白朱古力醬再配埋滿滿的椰絲，入邊係白忌廉，呢一款相對會有淡淡的椰香味～

🍩Coco Loco
如果係朱古力迷就要注意依款donut啦!呢款喺面頭已經有濃郁嘅朱古力醬，再加埋入邊嘅餡係比較實身啲，係好似注入左濃厚嘅朱古力塊，好似食緊粒朱古力咁，所以係會有雙重嘅朱古力享受❤️

🍩Why nuts
上面係白朱古力醬再加啲黑朱古力嘅花紋去點綴，整體來講食落去就好似係白朱古力冬甩，而入邊都係白忌廉，相對上個樣會比較有特色同靚啲，但係食落就比較普通冇乜特別嘅感覺(*¯︶¯*)

食曬所有味之後，Meow小編有幾款donuts口味想私心推介比大家(⁎⁍̴̛ᴗ⁍̴̛⁎)
推薦donuts口味🍩✨:
🌟 Jcoccino
🌟 Oreology
🌟Coco Loco
🌟Choco caviar chocolate

💜Lychee Oolong Tea
係飲品方面～
依款飲料有好香的荔枝味，再配埋濃濃的烏龍茶，係一種好有回味又甜甜地的感覺(⁎⁍̴̛ᴗ⁍̴̛⁎)冰冰的飲落口好有清熱解渴的舒適感( ´▽｀)
但係飲到最後冇咁凍嗰陣時開始覺得有啲甜(･･;)

*沒有加一服務費(外賣)
Yumyum舔舔脷指數：🧸🧸🧸🧸🧸/6
外賣賣相指數：🧸🧸🧸🧸🧸/6
性價比指數：🧸🧸🧸🧸/6
回頭指數：🧸🧸🧸🧸🧸/6

(滿分為🧸🧸🧸🧸🧸🧸)

以上屬小編主觀(非專業)食評，所有意見只供參考( ´▽｀)