銀座梅林 (已結業)

其實係沙田搵嘢食都幾難，雖然話呢度乜都有得食，但啲人多到呢.....鍾意食肉嘅朋友都或者鍾意食吉列嘢 (起碼我自己係咁).今日想同大家講吓沙田呢一間嘢，食吉列豬扒！其實講起吉列豬，或者都會諗到CWB 世貿入面果間，但一諗到要排隊排到2046 我諗都會卻步。沙田呢一度因為開咗一陣子喇，同大家對吉列喜愛嘅程度都退咗啲，所以排隊時間相對吓都可以接受。講食物，嚟張相先。佢有好多隻唔同等級嘅豬扒畀大家選擇，咁小弟呢次揀咗最普通嘅豬嚟食。炸得唔錯，唔會話太老啲肉dry 晒，仲好fresh ，仲有小小肥，入口如果可以一啖嘅話，口感真係好正！小弟係飯桶，佢冇限追加飯同沙律菜真係一定飽到飛起！服務，呢個就差小小，佢上菜速度唔快(即炸關係吧)，但服務員都唔會勁主動地加茶或照顧你。要減一減分。