一豚豬手專門店 (匯景廣場) (已結業)

屋企間中都會斬料加餸，食燒味食到悶悶地，見到呢間一豚既豬手賣相好似唔錯，就試下買黎加餸。除左主打幾款口味既豬手之外，仲有脆豬腩、燒雞、豬助骨、焗鴨胸等等，款式有多種選擇。食物係即叫即斬，師傅都斬得幾靚，而且整齊pack好一豚脆皮豬手（$108/隻)份量都幾多，豬手外皮香脆，肉質紮實，幾腍，唔會好乾，鹹度適中，幾入味，點埋旁邊嘅泰式辣醬，酸甜開胃，食落冇咁膩😗大阪燒脆腩($59/半磅)成塊波板糖咁大，外皮燒到脆卜卜，肥瘦分明唔膩，肉質都算腍，無渣，唔會好鹹，有肉味，點埋芥末唔錯。