Diletto (已結業)

第三次黎「Diletto」， 食物質素保持水準！👍🏾 環境優雅脫俗，有浪漫氣氛， 啱晒我同小妹黎撐枱腳啦～♥️ 一如既往嘅皇冠造型麵包籃， 裏面盛着意大利香草🌿包，微熱香軟， 蘸上橄欖油醋一起吃，簡單美味～ Hokkaido Scallop Carpaccio（$148） 帶子薄片，都算鮮甜， 加上柚子汁嘅點綴， 清新提鮮，不錯吃！ 🌟推薦❗️Deep Fried Crab Cake（$138） 一客就有一個拳頭👊🏻咁大嘅蟹餅， 外層炸成金黃香脆， 厚身之餘，裏面嘅材料都好豐富！ 蟹餅裏面嘅蟹肉係一絲絲嘅，証明有幾新鮮，而且鮮味十足！ 加上紅椒絲等配料，增添了不少口感～ 配上蜜糖芥末醬，都算幾夾！ Hokkaido Scallop with Black Truffle Risotto（$278） 意大利飯嘅口感軟硬適中，唔會太腍，幾好！ 松露香突出，一如既往地配菇菌係最夾， 不過略嫌北海道帶子只有兩粒， 但勝在鮮味十足。