Burgeroom (已搬遷) 新店位置

睇过好多食評都話要等位，今日好好彩地唔洗等位，一入到去，地方不大，好多外籍家庭，絕对唔係坐得舒服的餐廳，食完就要走架拉果種餐廳個burger一上枱，就已經流曬口水 对於無肉不歡的我……呢个burger簡直係上天送俾我的礼物……哈哈！个包同一般漢堡的包冇分別，但個兩塊牛肉就好厚，份量十足，再加上兩層都放有溶化中的芝士，一片小小的生菜和煙肉，當你一啖咬落去時，D肉汁係咁流出來，正！！再加呢個芝士薯條…佢有幾款唔同的薯條可選擇，我選左紐紋薯條，因為唔係度度都有得食…我飽足成日……冇得彈