影片
更多
2019-01-02
740 瀏覽
嘩，終於等到香港得8‘c啦👏🏻可以着靚褸之餘，羊肉煲、蛇羹廣東美食真係等到頸都長！我以前食開銅鑼灣間蛇王椅，太多大陸Gip臣粗粗魯魯，而且越食越貴，伙計呼呼喝喝，頂，貼錢買難受咩！5、6年前一次係灣仔玩具街買嘢，丫，有間細到乒乓波枱都放唔落的蛇羹舖暱埋一邊。幾張舊名人相貼左係店外，記得當時一碗蛇羹價錢比很多店平。一食就食到宜家！蛇羹固然是主打，但空住肚黎的，不妨試試佢地套餐，好抵食。雖然蛇羹一碗$68唔算好貴，但套餐連臘味糯米飯、一碟油菜都係$89，我每次都會double碗蛇羹，先至$127，又飽又暖又好味！蛇羹：湯羹唔杰塌塌又唔稀啷啷，啱啱好，唔鹹又夠配料，成碗翅咁好料。主角蛇肉量夠，有咬口彈牙，唔腥唔滑澀澀好似未洗過咁！食咁多年，係試過一次有條骨！糯米飯：好食、唔油，因為唔係主打，唔係話好特別！其實除左糯米飯仲有好多煲仔飯選擇。我偏向鍾意糯米飯，因為唔使等，同埋搵糯米飯食難過搵煲仔飯。蛇湯：今次無飲，有時會點這湯，尤其浦完飲完想補補身！油菜：咪油菜囉，不過，我唔要蠔油既，因為佢地菜的清甜真係食得出！食過唔想食蛇王fun、蛇王椅！
我以前食開銅鑼灣間蛇王椅，太多大陸Gip臣粗粗魯魯，而且越食越貴，伙計呼呼喝喝，頂，貼錢買難受咩！
5、6年前一次係灣仔玩具街買嘢，丫，有間細到乒乓波枱都放唔落的蛇羹舖暱埋一邊。幾張舊名人相貼左係店外，記得當時一碗蛇羹價錢比很多店平。一食就食到宜家！
蛇羹固然是主打，但空住肚黎的，不妨試試佢地套餐，好抵食。雖然蛇羹一碗$68唔算好貴，但套餐連臘味糯米飯、一碟油菜都係$89，我每次都會double碗蛇羹，先至$127，又飽又暖又好味！
蛇羹：湯羹唔杰塌塌又唔稀啷啷，啱啱好，唔鹹又夠配料，成碗翅咁好料。主角蛇肉量夠，有咬口彈牙，唔腥唔滑澀澀好似未洗過咁！食咁多年，係試過一次有條骨！
糯米飯：好食、唔油，因為唔係主打，唔係話好特別！其實除左糯米飯仲有好多煲仔飯選擇。我偏向鍾意糯米飯，因為唔使等，同埋搵糯米飯食難過搵煲仔飯。
蛇湯：今次無飲，有時會點這湯，尤其浦完飲完想補補身！
油菜：咪油菜囉，不過，我唔要蠔油既，因為佢地菜的清甜真係食得出！
食過唔想食蛇王fun、蛇王椅！
蛇羹糯米飯套餐
$89
48 瀏覽
0 讚好
0 留言
糯米飯
34 瀏覽
0 讚好
0 留言
蛇羹套餐
$89
38 瀏覽
0 讚好
0 留言
張貼
