冬蔭NOODLE (已結業)

好多人推薦去九龍城食泰菜，但鍾意食泰菜嘅人絕對唔會限制搵好嘢食嘅範圍，朋友知道尖沙咀呢間泰國餐館幾受歡迎，所以提議來呢度飯聚！有別於傳統泰式裝飾，這裏走潮流路線，霓虹光管的確igeable😎餐廳感覺光猛闊落，環境不錯。難得四個人一齊食飯，梗係慢慢食慢慢傾，先叫咗一個泰式海鮮沙律作為前菜。這個沙律是我食過的數一數二最好食，特別在於醬汁味道調校得恰到好處，酸甜平衡適中，仲真係有啲辣👍🏽青木瓜絲好爽脆，仲有好多唔同款式嘅海鮮粒，唔係得個名😊泰式沙甸魚都係第一次食，我唔會形容為好特別，但真係幾惹味，酸酸辣辣，份量有一大罐沙甸魚，醬汁亦吸收了斑斕葉的香味。要特別讚賞下這個菠蘿炒飯，飯粒乾爽不油膩，而且加入了很多香料，食到有咖喱粉，仲可能有薑黃，裏面有好多雜菜粒，海鮮粒，上面鋪滿了肉鬆和腰果粒，材料十分豐富，推薦大家試吓。唔好睇小四個女生嘅食量，食咗咁多嘢之後再叫咗一個泰式小食拼盤，四款食物各有四件，方便大家一齊分享！個人覺得春卷和炸蝦餅做得特別出色，春卷外皮又薄又脆，裏面材料好豐富，好有口感，點泰式辣醬更加好食。炸魚餅一啲都唔油膩，裏面嘅魚肉好有口感，仲有好濃烈嘅咖喱味，仲有香茅粒，食落好香口。