明棧燒味餐廳 (已結業)

今時今日食餐晏仔真係貴，燒鵝瀨粉成為六十二大元。其實貴不貴就見人見智。午飯時段爆場在所難免，慶幸今日食早場，好快有位。燒鵝啖啖肉，夠曬肉汁，皮層燒得香脆，不過黏著的脂肪比較肥，唔肥唔好食，但對我來說冇咁多肥膏好啲，起碼罪惡感少一點。燒味醬比較甜膩了少少，味道又不夠惹味。瀬粉反而覺得好好食，晶瑩剔透，入口順滑，湯底清甜，相信味精不多。茶走我最喜歡，茶底味道夠濃厚，茶味顯著，加入了練奶又滑溜，又好飲。