Hungry Lobster (已結業)

銅鑼灣係香港美食集中地，好多新野都會響度開！登龍街最近左好多新嘅食肆進駐，其中就係呢間主打龍蝦嘅小店！呢度食嘢全部都係圍繞龍蝦為主，選擇唔係咁多，但意粉麵包湯同扒樣樣俱全！夠食有餘！今晚我同朋友都唔算太肚餓，叫咗一個包同一份龍蝦share！龍蝦包先上枱。不算好大，但入面龍蝦肉分量十足！肉質彈牙，啖啖肉！食完覺得個人好充實！旁邊有個牛油汁，建議不要全落，太多會好漏！小小調味已足夠！另外叫咗烤全隻波士頓龍蝦！上到枱都好大份，起肉容易，烤完不會太乾，仲有少少龍蝦膏！正！旁邊薯條係我鍾意嘅粗薯！入口香脆！正！ 咁簡單又有食完一餐！好滿足！