影片
更多
2021-06-20
43 瀏覽
自從啟德站開通之後，近排都多咗嚟呢邊食晏，最近便試過這間集扒房與酒吧於一身的西餐廳「La Mensa Grill & Bar」。店舖位於沐寧街 Oasis Place 地下，離港鐵啟德站只是 2 分鐘路程，交通挺方便。餐廳很闊落，設有室內和戶外座位，環境開揚寬敞。店內裝潢以金啡色為主調，配上歐陸式的紅磚牆身，高貴中又帶點 Vintage，可見設計師的細心。食物選項都幾豐富，除咗主打嘅燒烤及扒類，另外仲有前菜、海鮮、墨西哥夾餅、意粉、意大利飯、薄餅、沙律、漢堡及甜品等供應。先嚟一客地中海傳統菜式，新西蘭白酒煮青口&海蜆 ($155) 做頭盤，藍青口和大蜆煮至剛熟，肉質肥美又富鮮味。白酒汁加入了蒜頭和紅椒烹調，味道帶點辛香，以蒜蓉包蘸著吃，惹味又醒胃。主菜點咗帕馬森香蒜烤羊架 ($298) 同 辣根醬三文魚扒。羊架分量十足，一客有成四件，肉質富彈性、非常嫩滑，而且油脂適中及分布均勻，入口鮮香不羶。伴吃的烤薯仔，味道亦不俗，肉甜又有薯味，可口得很。至於另一客辣根醬三文魚扒 ($258) 亦好有驚喜，睇下塊魚皮煎得幾靚仔，咬下金黃香脆，而且最難得嘅就係魚肉依然油潤嫩滑，入口啖啖鮮香，非常滋
自從啟德站開通之後，近排都多咗嚟呢邊食晏，最近便試過這間集扒房與酒吧於一身的西餐廳「La Mensa Grill & Bar」。
店舖位於沐寧街 Oasis Place 地下，離港鐵啟德站只是 2 分鐘路程，交通挺方便。
餐廳很闊落，設有室內和戶外座位，環境開揚寬敞。店內裝潢以金啡色為主調，配上歐陸式的紅磚牆身，高貴中又帶點 Vintage，可見設計師的細心。
食物選項都幾豐富，除咗主打嘅燒烤及扒類，另外仲有前菜、海鮮、墨西哥夾餅、意粉、意大利飯、薄餅、沙律、漢堡及甜品等供應。
先嚟一客地中海傳統菜式，新西蘭白酒煮青口&海蜆 ($155) 做頭盤，藍青口和大蜆煮至剛熟，肉質肥美又富鮮味。白酒汁加入了蒜頭和紅椒烹調，味道帶點辛香，以蒜蓉包蘸著吃，惹味又醒胃。
主菜點咗帕馬森香蒜烤羊架 ($298) 同 辣根醬三文魚扒。羊架分量十足，一客有成四件，肉質富彈性、非常嫩滑，而且油脂適中及分布均勻，入口鮮香不羶。伴吃的烤薯仔，味道亦不俗，肉甜又有薯味，可口得很。
至於另一客辣根醬三文魚扒 ($258) 亦好有驚喜，睇下塊魚皮煎得幾靚仔，咬下金黃香脆，而且最難得嘅就係魚肉依然油潤嫩滑，入口啖啖鮮香，非常滋味，十分好吃。
主角美味，伴菜亦同樣出色，薯蓉香濃幼滑、蘆筍脆嫩鮮甜，而西蘭花亦清新爽口，加上沙律菜作配搭，健康又有營養。
飲品點咗 Pineapple Smoothie ($75) 同 Fruit Punch ($55)，奶昔質地細滑，不濃不稀，入口帶絲絲菠蘿香。雜果賓治亦令人眼前一亮，賣相漂亮又透心涼！
張貼
