抖蛋馬來西亞古早味蛋糕 (啟德) (已結業)

今日同朋友咁啱行過啟德，突然聞到陣陣嘅香味，追尋之下發現啲香味來自呢間舖頭。店舖有列出唔同味道蛋糕出爐嘅時間表，方便客人食到最新鮮熱辣辣嘅蛋糕。另外店舖都好貼心，買蛋糕送膠刀，方便客人切開蛋糕！今次我就買咗一個咸蛋味嘅蛋糕，我朋友就買咗一個原味嘅蛋糕。先講原味古早味蛋糕，外表金黃，側面好多細氣孔，代表蛋糕十分鬆軟，充滿空氣感。食落蛋糕好香蛋味，咬落真的十分鬆軟，齒頰留香，令人想一再回味。鹹蛋味古早味蛋糕入面夾咗好多鹹蛋，望到都令人垂涎三尺，想大啖大啖咁咬落去！鹹蛋味蛋糕甜中帶鹹，口感豐富，鹹蛋味突出同時唔會蓋過雞蛋嘅味道，非常特別！抖蛋古早味蛋糕每個份量都好大個，我一次真係食唔哂成個，所以攞翻屋企雪左佢，估唔到雪完之後蛋糕都仲係咁鬆軟，非常不錯！