Bit Point (已搬遷) 新店位置

年初五，日日走幾場，終於是日有空檔，就約左舊拍檔來飲番杯，係咁易又講下新年大計。講起啤酒，其實唔係英愛，就係德國，再來勉強還有比利時，之後就無謂數了。所以happy hour如由我話事的話，首選是一眾愛爾蘭吧，再不是英國吧都入型入格，其次德國酒吧都可以，如這裡。生啤不是Bitburger就係Becks，新年食得滯滯地，想飲些重麥味的，就要了Becks。半公升照舊是一個大杯上，好盡興。麥味重，夠清涼，爽！都叫了一埋小吃如薯皮、nachos及bruschettas等的，不過都只係配襯，主角仍是生啤。開頭坐路邊飲，飲飲下朋友也來了，就轉了進疏化位，不過埋邊就是煙竇。Happy Hour五點至九點，半公升生啤杯杯38蚊，幾抵飲。飲飽加小吃，五個人埋單三百幾，唔算好貴。