Outback Steakhouse (已搬遷) 新店位置

心情唔好， 約朋友食個飯、飲番杯。 去咗尖沙咀Outback, 叫咗HSBC個二人餐。 套餐有湯， 沙律， 黑糖麵包。 主菜叫咗「燒美國頂級紐約牛扒配加拿大龍蝦尾」及 「雞肉拼燒蝦寬麵」， 當然仲有啤酒啦。 黑糖麵包依舊咁好食， 餐湯就太濃味， 鹹咗小小。 主角牛扒連鐵板上枱， 好後悔叫咗medium well, 因為鐵板好熱， 切完食得都熟晒， 但係都好好味。 建議order medium 或 medium rare會較好。 其實食物都如一往水準。 埋單時， 發現張單有小小問題， 計多成百幾蚊， 好彩都有望一望。