高木炭火鳥燒 (已結業)

今晚朋友話要食串燒，咁我哋去左依到，摸下酒杯，邊傾下心底事，順便啤啤佢，過個Girls night。牛舌$48大個咗之後好鬼中意食牛舌，依到既串燒，係一個價錢，但有時得一串，有時有兩串，所以問一問服務員先就好啲啦。牛舌粒粒唔同大細，都幾好咬嫁。日本蕃薯$28細細粒既日本紫薯都係我最愛，蕃薯好甘甜，入面好粉糯，好好食嫁。汁燒豆腐$22呢排豆腐黑到完全唔知系乜呀，我朋友即刻問，依個係咩黎嫁？其實佢祇不過係一個豆腐，不用嚇親。豆腐吸引晒燒汁，好夠味嫁。日本芝士年糕$38兩件芝士年糕絕對唔夠喉，燒完入面既芝士好Creamy，好正嫁。