影片
更多
2014-05-21
2914 瀏覽
趁住炸雞熱潮尚未散去，我地都去趁趁熱鬧! 本想食李家，6:30去到前面已經有三、四十人! 我地見差唔多半個鐘無郁過有D唔多對路，但今晚又真係好想食炸雞，決定叫未匯合我地既友人去排紅雞! 果然，紅雞無咁多人，我地只需大約45分鐘就可以入到! Lucky~呢度既格局其實係一間PUB，而食正炸雞熱，呢度連電視都有播返星星既精華片段，比食客重溫一番。全間餐廳既燈光都係紅色，所以全部相都係紅色..........大家都排到肚餓，拿拿臨叫野食，侍應都係韓國人，不過識講小小廣東話! 我地叫左韓式炸魚片湯、卡邦尼炒年糕、韓式蜂蜜檸檬炸雞、半半炸雞，仲有覆盆子酒，當然唔少得啤酒!先試覆盆子酒，有D似cranberry juice既味道，雖然酒精成份應該幾高，不過感覺幾健康，酸酸甜甜極易入口，亦好容易會飲多左! 食物方面，先黎極有韓國風味既韓式炸魚片湯，味道鮮甜，魚片彈牙，仲有金菇、魚蛋等，絕對係食炸雞前既暖胃之選。而卡邦尼炒年糕既年糕唔夠稔，太有趙口，醬汁味道亦唔夠。輪到主角出場，先食韓式蜂蜜檸檬炸雞，本身小妹唔多喜歡食中式既檸檬雞，因為一向都覺得味道怪怪的，但呢個檸蜜雞完全改觀左我對檸檬菜式既觀感，亦
呢度既格局其實係一間PUB，而食正炸雞熱，呢度連電視都有播返星星既精華片段，比食客重溫一番。全間餐廳既燈光都係紅色，所以全部相都係紅色..........
大家都排到肚餓，拿拿臨叫野食，侍應都係韓國人，不過識講小小廣東話! 我地叫左韓式炸魚片湯、卡邦尼炒年糕、韓式蜂蜜檸檬炸雞、半半炸雞，仲有覆盆子酒，當然唔少得啤酒!
先試覆盆子酒，有D似cranberry juice既味道，雖然酒精成份應該幾高，不過感覺幾健康，酸酸甜甜極易入口，亦好容易會飲多左!
食物方面，先黎極有韓國風味既韓式炸魚片湯，味道鮮甜，魚片彈牙，仲有金菇、魚蛋等，絕對係食炸雞前既暖胃之選。而卡邦尼炒年糕既年糕唔夠稔，太有趙口，醬汁味道亦唔夠。
輪到主角出場，先食韓式蜂蜜檸檬炸雞，本身小妹唔多喜歡食中式既檸檬雞，因為一向都覺得味道怪怪的，但呢個檸蜜雞完全改觀左我對檸檬菜式既觀感，亦估唔到原來檸檬同炸雞係咁夾既，炸雞吸收哂醬汁，酸酸甜甜，碗底亦有好多醬汁可以蘸，而且雞肉肉質嫩滑，絕無鞋口既感覺，值得一試!
反觀，半半炸雞既原味炸雞感覺普通，味道跟K_C 差唔多，而另外既香辣汁炸雞則較香口惹味，不過甜味多過辣味，有D膩。
所有食物份量都好多 (相對價錢亦頗貴)，我地四個女仔叫左四樣野，最後有一盤炸雞可以攞返屋企，唔怪得我地落單戈陣個侍應既眼神咁奇怪啦，我諗佢都覺得我地叫多左...其實我好耐無食過炸雞 (包括K_C)，不過難得朋友仔們都唔怕熱氣，就豁出去試下啦，雖然本身都唔太高期望，不過還可以啦，下次如果唔肚餓要試下李家先得!
張貼
