影片
更多
2024-12-10
850 瀏覽
《燒烤堂 - 尖沙咀》放工好想食串燒，拉埋舊同事一齊去尖沙咀聚吓舊順便飲番杯，燒烤堂嘅啤酒$48杯仲有買一送一，基本上每一枱都會叫返兩杯啤啤佢💪🏻呢度嘅串燒種類好多，價錢都好合理，最平十零蚊已經有一串，另外仲有好多特色嘅菜式，例如燒鵝肝、燒海鮮等都係人氣推介嘅食品，當晚我哋兩個人邊飲酒邊食越食越多嘢🤣但係埋單每人都係三百零蚊左右，認真抵食💁🏻♀️鹽燒三黃雞腿肉雞腿肉烤得外焦內嫩，鹽味恰到好處，感覺三黃雞嘅肉質比普通雞更鮮嫩多汁，同埋肉味更加濃郁💁🏻♀️鹽燒雞皮雞皮烤得香脆可口，一片過成塊面咁大，表面微微焦黃，基本上好似薯片一樣咁脆口，鹽既調味讓令一口都充滿了香氣，特別適合搭配啤酒💁🏻♀️鹽燒雞軟骨雞軟骨食落爽脆，鹽燒手法保留了肉既鮮味💁🏻♀️麻辣雞軟骨麻辣雞軟骨口感彈牙，麻辣醬既香味帶有微微既辛辣💁🏻♀️古早味燒鮮三黄雞全翼店員特別推介，雞本身肉質鮮美，經過烤制後既香氣四溢，表皮微脆同埋好香雞油味，肉質卻依然軟嫩，我覺得比雞腿肉更加好食💁🏻♀️手切牛胸爽我一向都好鍾意食呢一個部位，食落爽脆有油香，睇落白雪雪以為係肥膏，其實係筋膜嘅部份，越咬越香牛油味，但係你唔會覺得好油膩💁🏻♀️薄切牛
放工好想食串燒，拉埋舊同事一齊去尖沙咀聚吓舊順便飲番杯，燒烤堂嘅啤酒$48杯仲有買一送一，基本上每一枱都會叫返兩杯啤啤佢💪🏻呢度嘅串燒種類好多，價錢都好合理，最平十零蚊已經有一串，另外仲有好多特色嘅菜式，例如燒鵝肝、燒海鮮等都係人氣推介嘅食品，當晚我哋兩個人邊飲酒邊食越食越多嘢🤣但係埋單每人都係三百零蚊左右，認真抵食
💁🏻♀️鹽燒三黃雞腿肉
雞腿肉烤得外焦內嫩，鹽味恰到好處，感覺三黃雞嘅肉質比普通雞更鮮嫩多汁，同埋肉味更加濃郁
💁🏻♀️鹽燒雞皮
雞皮烤得香脆可口，一片過成塊面咁大，表面微微焦黃，基本上好似薯片一樣咁脆口，鹽既調味讓令一口都充滿了香氣，特別適合搭配啤酒
💁🏻♀️鹽燒雞軟骨
雞軟骨食落爽脆，鹽燒手法保留了肉既鮮味
💁🏻♀️麻辣雞軟骨
麻辣雞軟骨口感彈牙，麻辣醬既香味帶有微微既辛辣
💁🏻♀️古早味燒鮮三黄雞全翼
店員特別推介，雞本身肉質鮮美，經過烤制後既香氣四溢，表皮微脆同埋好香雞油味，肉質卻依然軟嫩，我覺得比雞腿肉更加好食
💁🏻♀️手切牛胸爽
我一向都好鍾意食呢一個部位，食落爽脆有油香，睇落白雪雪以為係肥膏，其實係筋膜嘅部份，越咬越香牛油味，但係你唔會覺得好油膩
💁🏻♀️薄切牛舌芯
牛舌切得薄但係仲保留到佢彈牙嘅感覺，口感滑順，調味配搭令到味道濃郁，個人覺得可以落多少少椒鹽配埋蔥一齊食
💁🏻♀️牛骨髓
出面比較少食到燒牛骨髓，口感同質地滑膩，用咗香蔥蒜蓉條配一齊燒，食落濃味同埋軟腍腍
💁🏻♀️羊架
我唔太食羊的，朋友話個羊架燒到六成熟左右，個樣嘅味道唔會太勁，都仲係鮮嫩多汁，而且幾大塊
💁🏻♀️泡菜五花腩
用咗韓式嘅方法炮製，但係有泡菜嘅酸甜味，可以去除五花肉本身嘅肥膩感
💁🏻♀️泰式豬頸肉
經典嘅燒烤菜式，佢個泰式燒烤醬其實都幾惹味，豬頸肉燒到外邊脆卜卜好香口，罪惡感滿滿的
💁🏻♀️燒豚肉荔枝卷
自從試過一次豚肉荔枝卷之後就幾鍾意嗰種又鹹又甜嘅感覺，外面嘅薄切豚肉包住荔枝肉，鹹香味十足但係又食到荔枝嘅甜香👍🏻
💁🏻♀️蒜蓉燒蠔
又係經典嘅燒烤菜式，今次呢兩隻蠔都幾大隻同埋幾鮮味，食完成口都係蒜蓉嘅味道，但係咁樣先至係食蠔最配搭嘅方法
💁🏻♀️蒜香牛油酒煮蜆
冇諗到佢個牛油煮蜆咁大碗，仲配埋兩件好好食嘅蒜蓉包，用嚟點個湯汁一流，瞬間啲煮蜆變咗配角添😂但係個蜆都幾大粒同埋冇沙，同牛油清酒嘅味道好夾
💁🏻♀️焦糖青蘋果鵝肝多士
我覺得當晚嘅MVP一定要講呢一個焦糖青蘋果鵝肝多士，本身鵝肝同蘋果嘅味道好合拍，軟腍腍嘅鵝肝超級爆油，配上焦糖同埋青蘋果食落就唔會咁油膩，個多士吸晒鵝肝啲油粉，一滴鵝油都唔會浪費
💁🏻♀️尖椒皮蛋燒豆皮
好特別嘅菜式，個豆皮煙煙韌韌幾有咬口，包住尖椒皮蛋就有啲似食川菜咁嘅感覺
💁🏻♀️鹽燒翠玉瓜
平時我唔太食翠玉瓜，但係燒烤嘅話就每次都會叫，燒完之後個翠玉瓜有啲似食緊帶子咁有一陣香氣，成為咗當晚唯一嘅蔬菜菜式🤣
💁🏻♀️蜜糖菠蘿&黑糖菠蘿
兩款菠蘿都叫咗各一串，其實兩個都好好食，出邊嘅蜜糖同黑糖經過火燒之後形成咗脆皮，包住香甜嘅菠蘿真係好惹味👍🏻必點
張貼
