超人燒鵝

營業中

休息中

如果返阿媽屋企食飯，通常都會買少少食嘅上去，甜品好生果好，乜都會買少少，老人家又開心。近排會去呢間兩餸飯店買外賣。我媽勁嘴刁，覺得街外嘢唔好食無營養又貴又唔衛生，但呢間嘅咕嚕肉就從無怨言，有時仲開口叫我買嘢加料，就知唔嘢少。平時兩餸飯$35，如果淨1餸或2餸都係$45。兩餸飯嚟講都應該算多款式，有時見仲有炒蜆或東風螺，我唸呢啲應該係比較少見（我住同工作附近無乜呢類型食店，無得比較）暫時食過幾式，覺得咕嚕肉係最好食，放耐咗外面仲係脆，汁嘅味道啱啱好，一盒有1, 2菠蘿點綴，唔會話俾啲配菜例如三色椒之類霸住啲位。仲有西檸雞都好食，一樣放耐咗都數會冧曬，汁醬都好好味，買兩餸個份量唔會太多，每人食幾件其實都好夠，好滿足。