影片
更多
2018-05-25
156 瀏覽
Bossy Royal Set $388/for two people-沙津或是日餐湯 選兩客-頭盤 選兩款-主菜 選一款-Burger/Pizza/Pasta/Risotto 選兩款Teddy Bear特飲(Chocolate & Cookies Smoothie) $58/杯一去到餐廳門口，我就不禁同朋友講：「呢間餐廳真係好女仔呀！」裝修甚至枱凳、杯碟，都係行粉紅色或公主路線🤣仲要食dinner都會用tea set嘅三層架上菜🤣.我地揀咗食Bossy Royal Set，因為好似乜都有得食吓😂大家記得問吓是日餐湯係咩，如果係周打海鮮湯嘅話記得要揀餐湯🤘🏻好飲好充料小食頭盤/主菜/Burger/Pizza/Pasta/Risotto都有唔少選擇，搞到有選擇困難症嘅我都唔知點揀好😂.小食頭盤有十五項選擇😮雞翼、多士、芝士蟹肉釀蟹蓋、玉子燒、Shake Skake薯條、焗菇等等⋯⋯我地決定加$38要Girl’s分享盤，分享盤有燒雞翼、煎雞軟骨餃子、雞肉串、炸芝士條同Shake Shake薯條😆我地實在太鐘意食薯條，所以另一個小食頭盤都揀咗Shake Shake雙重炸薯條😆😝係炸薯條+炸番
-沙津或是日餐湯 選兩客
-頭盤 選兩款
-主菜 選一款
-Burger/Pizza/Pasta/Risotto 選兩款
Teddy Bear特飲(Chocolate & Cookies Smoothie) $58/杯
一去到餐廳門口，我就不禁同朋友講：「呢間餐廳真係好女仔呀！」
裝修甚至枱凳、杯碟，都係行粉紅色或公主路線🤣
仲要食dinner都會用tea set嘅三層架上菜🤣
.
我地揀咗食Bossy Royal Set，因為好似乜都有得食吓😂
大家記得問吓是日餐湯係咩，如果係周打海鮮湯嘅話記得要揀餐湯🤘🏻好飲好充料
小食頭盤/主菜/Burger/Pizza/Pasta/Risotto都有唔少選擇，搞到有選擇困難症嘅我都唔知點揀好😂
.
小食頭盤有十五項選擇😮雞翼、多士、芝士蟹肉釀蟹蓋、玉子燒、Shake Skake薯條、焗菇等等⋯⋯
我地決定加$38要Girl’s分享盤，分享盤有燒雞翼、煎雞軟骨餃子、雞肉串、炸芝士條同Shake Shake薯條😆
我地實在太鐘意食薯條，所以另一個小食頭盤都揀咗Shake Shake雙重炸薯條😆😝係炸薯條+炸番薯條呢！
仲有十款Shake Shake粉俾你十揀一: 章魚燒味/BBQ味/咖哩杯麵味/香蒜味/芝士波味/烤雞味/海苔味/黑胡椒味/玉米湯味/梅子味，好多味粉揀，仲有啲味道好特別咁🙈
我地保守啲揀咗烤雞味😋
❗️原來隨Girl’s分享盤嘅薯條都會送多一份Shake Shake味粉同紙袋，所以佢地俾多咗份烤雞味粉我地🙈如果你地小食頭盤都係揀分享盤同雙重炸薯條，可以問吓咁有冇得揀多隻味粉👅❗️
.
主菜都有六款選擇: 海鮮拼盤/芝士菠菜意大利雲吞/龍蝦(需加$68)/低溫慢煮三文魚/西班牙豬腩肉/一口安格斯西冷。
我地要咗燒一口安格斯西冷。
西冷約燒到七成熟，加上法式香草牛油汁😋
伴碟嘅焗薯粒焗得皮脆😋
朋友話覺得整體咸咗少少，但可能我食開重口味，所以又覺得都ok😂🙈
.
Burger/Pizza/Pasta/Risotto方面，我地揀咗意式龍蝦芝士薄餅同龍蝦芝士意大利飯(需加$38)。
Pizza係非常非常薄身嗰種，個餅底有點似餅乾。
龍蝦芝士意大利飯好rich，味道夠濃啱我口味😋仲會附上鉗俾你拆龍蝦殼㗎！
.
不過可惜以上所有食物係同一時間送上，本身所有嘢都熱辣辣，但真係食唔切😢
所以留到最尾食嘅pizza同意大利飯都難免凍了😭
❗️所以大家可以落單時問吓可唔可以分開兩次上食物，先上三層架(2頭盤+1主菜)，之後先上Burger/Pizza/Pasta/Risotto❗️
.
另外特別要講今次叫咗嘅特飲😆🤩
我叫咗Teddy Bear，即係Chocolate & Cookies Smoothie😍
外表上真係好cute，飲品上有熊仔餅乾同朱古力曲奇🍪
朱古力沙冰頗甜，我就鐘意等佢融少少之後飲，咁有啲似飲緊凍朱😝
.見到後面枱慶祝緊生日，壽星係一個目測八、九歲嘅小女孩👧🏻佢個頭綁住一個大大嘅粉紅色蝴蝶結，真係好可愛又好match呢間餐廳😚
所以呢間餐廳除咗啱港女😈，港妹嚟到都會好興奮🤣
.
PS 呢個set星期六、日及公眾假期晚市不設供應呢🙈
張貼
