Prime Pho

營業中

休息中

放工去朋友公司搵佢食野，佢話附近有問越南野幾好味，於是一齊去食🍜餐廳裝潢簡約舒適，坐喺度傾計都幾舒服。睇完menu後點咗prime pho bo招牌湯河同埋越南經典水果茶。湯河比想像中大碗，湯底用咗24小時熬製，味道香濃。而配料有哂封門柳、牛脷、牛腩、牛丸、牛展、牛筋、牛尾、扎肉，欣賞佢選料新鮮，又可以滿足哂鍾意食牛既朋友😂 不過講到特別同令人印象深刻，不得不提自家製油炸鬼，油炸鬼將九層塔搞碎之後再加入去，味道比一般油炸鬼更豐富。越南經典水果茶加咗龍眼肉、大樹菠蘿、西柚同青檸，飲落香甜又健康。