Lockeroom Zoom Football Restaurant (山頂廣場) (已結業)

趁假期上咗山頂行下欣賞下香港既景色，當然唔少得順便去食埋野😆山頂廣場有唔少食肆，睇完之後決定揀間以足球作主題既餐廳，延續世界盃熱潮⚽️餐廳門面已經放咗唔少足球同球衫，冇諗過入到去更驚喜，大至油畫牆，小至餐墊餐具都一絲不苟。點咗肉醬意粉（$168）、煙三文魚蟹肉芝士忌廉汁意大利飯（$198）同埋鹹蛋黃雞翼（$ 88）。意大利飯香噴噴，每粒都飽滿又有咬口，加上忌廉汁都唔少，食落好creamy.肉醬意粉味道香濃，醬汁甜中帶酸好開胃，而且份量頗多，食到最後d麵都依然充滿醬汁。最鍾意係鹹蛋黃雞翼，香脆既雞翼沾滿鹹蛋黃醬，惹味到令人無法抗拒，好快就清哂成碟。