FABRIK Restaurant and Bar (已結業)

同老公慶祝結婚一周年，諗住去呢間高級西餐廳慶祝，上網睇啲相係幾靚，但係實際上夜晚黑黑，而且玻璃反光，我坐個位就影唔到海景。但去到食嘅嘢就一般，服務都幾好，可以幫我哋影相📸️主要用英文同waiter溝通，不過食物質素感覺同價錢唔成正比， Pizza我寧願食Pizza Hut，啲飯同通粉太重口味。晚餐有set會開心啲，我見都多家長帶小朋友去，好似見到有兒童餐，抵食啲。食完發現有兒童遊樂場，不過唔知點book，有小朋友嘅家庭可能可以考慮吓。個場地都大，就算小朋友喺嗰度喊，都唔會太騷擾。如果想飲吓嘢，後面有bar枱。