球哥燉湯

營業中

休息中

中秋節個排去咗元創方行下，附近冇咩餐廳好食，於是行咗去上環蘇杭街，都唔洗10分鐘。夜晚九點幾，好多食肆都已經關門，見到呢間餐廳有燉湯，唔係茶餐廳既味精湯，於是坐低試下。唔係好肚餓，兩個人叫咗乾炒叉燒河同白胡椒雞燉湯，不過冇哂叉燒，最後轉咗乾炒雜菌河，炒河粉比茶餐廳既少油，份量適中，每一啖都食到唔同既菇。燉湯飲既時候暖笠笠，材料十足，細細盅湯有成4-5嚿雞，不過胡椒過多，辣味稍為遮住雞既味道。餐廳係小店經營，收銀叔叔似係老闆又係落單夥計，好悠閒咁睇下電視執下枱，啱哂唔得閒煮飯煲湯既打工仔食晚飯。