道頓堀御好燒專門店 (朗豪坊) (已結業)

名義上係同老公慶祝生日🎂，實際上係要揀一間啱個寶貝仔嘅餐廳食飯。經過一輪選擇之後決定嚟呢間，因為可以滿足小朋友想煮嘢食嘅興趣。我哋六點前已到達，所以唔需要等位就可以有得食，呢一餐媽媽最開心因為唔使做可以坐喺度食嘢，寶貝仔就做咗我哋當晚嘅廚師，嘢食方面都唔算太差，見佢有啲教學圖教教你點樣整嘢食，但最終我哋都選擇自己個方法去做。如果俾我揀我就會揀間唔需要自己動手嘅餐廳食飯，不過為咗小朋友所以都值得。