Running 燒 (已結業)

呢間位於將軍澳區嘅韓式燒烤店，地點極之方便，喺地鐵站上蓋，成為我同班老友住喺將軍澳區嘅好選擇，平時等位亦都要半個鐘以上，好彩依家因為疫症關係等位就相對較容易，今次只係需要三四個字就已經可以攞到張大枱，依家仲要做緊特價兩小時任食都係200零蚊。嘢食方面，呢一度有多款嘅豬牛羊同埋熟食可以選擇，出面吧檯又好新鮮嘅蔬菜可以任食,仲有唔同嘅小食同埋糖水,啱曬我帶埋小朋友過嚟試下,肉方面佢呢度嘅牛仔骨同埋豬腩肉就味道非常之好佢，有幾款嘅口味可以調，有燒汁辣汁同埋蒜蓉汁都可以選擇，口感亦都非常之豐富，最最鍾意呢一度就係有啤酒任飲，只需要加廿蚊就可以有多款啤酒可以選擇。