養心殿台式養生鍋 (已搬遷) 新店位置

第99篇食評分享了，都會刻意等一些好的食店才去分享……臨近九十九，一百，一百零一…………升級了 前兩晚約定戴氏夫婦今晚食飯，本來揀好的又得一個半小時用餐時間，又吾係任食，定埋啲咁嘅規矩，吾怪之香港咁多人腸胃不好，趕頭趕命，不能好好享受舖頭裡的食物……入到嚟養生殿台式火鍋店，覺得的裝修設計幾好，通花的屏風間格，比人覺得吾焗促，又有少許自成一角感覺，叫侍應也不會睇吾到……講到食物，都新鮮的，但個潮州魚蛋就差少少，我地今晚冇叫海鮮，所以吾知有幾鮮，只係叫咗啲丸類拼盤、餃類拼盤、手切牛肉、蟹棒。丸類都有啲特別，黑松露蝦丸都吾錯，佢地話梅菜豬肉丸都好有食肉餅feel，芝士牛丸都有芝士味，而餃子呢，佢地話韮菜餃好食，麻辣牛肉餃就都有麻辣味，魚皮餃、水餃都不過不失啦！呢度除咗加一外，茶芥每位20元！最後，like咗呢度的 facebook可免費有一杯咸檸七或杞子菊花茶或烏梅汁，或冇酒精的飲品……今晚對佢呢度有個麻油溝醋的醬汁幾有好感，我再加啲芫茜及蒜汁，醮啲白肉嚟食，幾有食薰蹄風味啊！